Pourquoy faut-il, belle inhumaine

Pourquoy faut-il, belle inhumaine,

Que vous soyez insensible à ma peine,

Et que mon cœur soit soumis à vos loix?

Un autre auroit regret de vous avoir servie,

Mais pour moy quand j'ayme une fois,

J'ayme toute ma vie.

Souffrir vostre rigueur extresme,

Et vous aymer, c'est ce trahir soy-mesme,

C'est estre foible, et je le recognois;

Aussi de vous aymer tout autre auroit envie.

Mais pour moy quand j'ayme une fois,

J'ayme toute ma vie.