The span o' life

When day was deid I met my Dear

On fair Kirkconnel Lea;

Though fause een spied, I knew no fear,

His love was over me.

He kissed me fu' upon the mou',

He looked me in the ee,

An' whispered low "Nor Life nor Death

Shall Part my Love frae me."

The Span o' Life's nae lang eneugh,

Nor deep eneugh the sea,

Nor braid eneugh this weary world

To part my Love frae me.

Though mony an' mony a day hath died

On fair Kirkconnel Lea

Sin' I stood by my True Love's side

An' melted 'neath his ee.

Yet ilka wind that afans my cheek

Kisses his in Germanie,

An' bids me bide: for what shall make

to part my Love frae me?