's Busserl

A Busserl is a g'spassig's Ding,

es riegelt's ganze Bluet.

Man isst es nit, man trinkt es nit,

und dechterscht schmecht's so guat.

Und was a Schreiber schreiben kunnt'

wohl in zehntausend Stund,

dös druckt an oanzigs Busserl aus,

dem Schatzerl auf den Mund.

A Busserl is a g'spassig's Ding;

wer's net begreifen kann,

im Herzen is a Kammerl d'rin,

da fangt's zu krabbeln an.

Und wennst nix mehr zum Plauschen woaßt,

nimm's Maderl um den Hals,

schmatz ihr a saftig's Busserl auf,

und's Maderl woaß dann all's.

A Busserl is a g'spassig's Ding,

das Beste, was man hat!

Das Schlimmste bei den Busseln is:

Man kriegt's halt nimmer satt!