The bonnie wee wife

She is a winsome wee thing,

She is a handsome wee thing,

She is a bonny wee thing,

This sweet wee wife o' mine!

I never saw a fairer,

I never lo'ed a dearer,

And niest my heart I'll wear her,

For fear my jewel tine.

She is a winsome wee thing,

She is a handsome wee thing,

She is a bonny wee thing,

This sweet wee wife o' mine!

The warld's wrack, we share o't,

The warsle and the care o't,

Wi' her I'll blithely bear it,

And think my lot divine.