S'Herz

Mädche' laß dir 'was verzähle,

Geb' mer uff dei' Herzche' Acht,

Is es aach gut eingemacht,

'S wär' halt doch vielleicht zu stehle';

Un deß weescht de selber gut,

'S Herz is mehr als e' Vermöge'

Un gar viel is d'ran gelege',

Wann mer deß verliere' thut.

Ganz was anners, liebes Schätzche'

Is es aber, wann mit Art

Dir e' Freund deß Herz verwahrt

Am e' gute' sichre' Plätzche'.

Do is nix d'rbei rischquirt,

Drum, so geb mir's ufzuhebe',

Will jo gern mei' ganzes Lebe'

Sorge', daß 'm nix passirt.