Chanson ancienne

Las! je voy bien que m'a quitté m'Amie;

Elle m'a dit que je boy trop souvent

Et que cela m'abregeroit la vie.

Je m'en vay donc en un desert sauvage

Où, sidre et vin ne beuvant nullement,

Je passeray le reste de mon age.

Si je n'y boy que de l'eau toute pure,

Bien tost ainsi je finiray mes jours;

Car tel boire est contraire à ma nature.

Ce me sera tres dure penitence.

Ainsi mourray, regrettant mes amours,

Comme un hermite, en faisant abstinence.

Puis que au desert on ne boit rien qui vaille,

Laisser ne veux ce bon vin dans le pot.

J'en boy à vous, premier que je m'en aille.

Apres ma mort faut sur ma tombe escrire:

« Ci gist qui a bien aimé le piot;

» C'est grand dommage aux taverniers de Vire. «