Mais qui pourroit estre celuy

Mais qui pourroit estre celuy,

Qui me fait chercher mon oyseau?

Est-ce point ce meschant Daluy?

C'est un faux petit larronneau,

Il me fait a tous coups chercher

Tout cela gu'il me peut cacher.

Qui me la, Qui me la, Qui me la pris

Qui le remette ou il la pris.

Si mon gentil Francin sçavoit,

Qui m'a fait un si lache tour,

M'avoir prins ce qui nous avoit

Enflammé tout le coeur d'amour

Et qui nous a par ses doux chants

Retins cent fois emmy ces chams.

Qui me la, Qui me la, Qui me la pris

Qui le remette ou il la pris.

Helas mon Francin, mon mignon,

Je crain & me doute bien fort,

Que nostre petit compagnon

N'ait enduré un grand effort,

Car j'ay veu nostre gros chat roux,

Qui le guignoit a tous les coups'.

Qui me la, Qui me la, Qui me la pris

Qui le remette ou il la pris.