L'avertimento

No corè, puti, smaniosi tanto

Drio quel incanto

Che Nana g'ha

Xe tuto amabile

Ve acordo, in ela,

La xe una stela

Cascade qua

Ma … ma … la Nana cocola

G'ha el cuor tigrà.

L'ocio xe vivo

Color del cielo,

Oro el cavelo

Balsamo el fià;

Ghe sponta in viso

Do' rose intate.

Invidia al late

Quel sen ghe fa

Ma …

Ogni ochiadina

Che la ve daga,

Da qualche piaga

Voda no va!

Col so' granelo

De furbaria

La cortesia

Missiar la sa …

Ma …