La primavera

Giacinti e violete

Fa in tera Baosète

Che gusto! che giubilo!

L'inverno è scampà!

La Neve è svania,

La brina è finia,

Xe tepida I'aria,

El sol chiapa fià.

Amici, fa ciera!

Xe qua primavera!

Me'l dise quel nuvolo …

Senti! senti el ton!

Ohimé! che sta idea

EI cuor me ricrea,

E tuto desmentego

Quel fredo baron!

Ancora un meseto,

E el rusignoleto,

Col canto, ne sgiozzolo,

Sul' anima el miel.

Stagion deliziosa!

Ti vien cola rosa,

Ti parti col giglio,

Fior degno del ciel!