Ei, du Lütte

Ei, du Lütte, Söte, Witte,

Ei du Lütte, weerst du min!

Wull di hȩgen, wull di plȩgen,

Schust min Schatz, min Demant sin!

Och, ik kik di dœr de Ogen

Bet int stille Hart hinin:

Ob't ni sin kunn, Lütte, Witte,

Ob't ni sin kunn, du weerst min!

All wat schön is, all wat smuck is,

Och, ik seeg dat all darin!

Funn ik blot darin, du Lütte,

Ok dat Beste: du weerst min!

Ei, du Lütte, Söte, Witte,

Ei du Lütte, weerst du min!

Wull di plȩgen, wull di hȩgen,

Schust min Schatz, min Demant sin!