En l'amoureux vergier

En l'amoureux vergier vis une flour

Espanuie par le cours de Nature,

Droite, eslevée, de vermeille colour,

Belle et plaisant et de gente fayture;

A ceste flour me mis en aventure

De l'aproucher et son oudour sentir,

Mais quant je fus dedens ce noble clos

Amors me fist so doucement ravir,

Tant que mon cuer la prent tout son repos.

En ce vergier sont tuit li gay sejour

Qu'onques Amours douna a creature;

La me dreschay remirant la valour

De celle flour, qu'en ly maynt par droiture;

Et aprés luy m'assis sus la verdure

Afin qu'Amours de li me fiest jouir,

Quar il n'est riens vivant, bien dire l'os,

Que j'aime tant, ne rien plus ne desir,

Tant que mon cuer la prent tout son repos.