Joieux de cuer

Joieux de cuer en seumellant estoye

Quant je sentoie vostre tres douce alayne

Et vo gent corps, ma dame souveraine,

Qu'entre mes bras si doucement tenoye.

Je croy qu'onques creature humaine

N'eut tel bien, certes, come j'avoie,

Car sanz doulour et sanz pensee vaine

Mon cuer estoyt rempli de toute joye.

Et a bon droit, quar, quant a vous pensoye,

Tres playsant flour, douce rose mondayne,

Garde d'amours qui mon cuer trait et maine,

Autre plaisir au monde ne vouloie.

Joieux de cuer en seumellant estoye

Quant je sentoie vostre tres douce alayne

Et vo gent corps, ma dame souveraine,

Qu'entre mes bras si doucement tenoye.