Le basile

Le basile de sa propre nature

Tous ceulz qu'il voit tue soubdaynement,

Car son venin est mortel sanz mesure,

Sanz remede et sanz alegement.

Ainsi tue Envie

Les bonz par tres sanglante jalousie,

Tant que chascun voit son per a grant payne,

Car Barat tient le monde en son demaine.

Le roy d'Amours ou palais de Droiture

Si a doune sentense et jugement

Contre ennemi qui par fause morsure

A vrays amans font painne et tourment;

Maudite soit leur vie,

Et leur jangler plain de tres grant foulie

Per cui je pers l'amour fine et hauteine,

Car Barat tient le monde en son demaine.