Très gentil cuer

Très gentil cuer amoureux attraians,

frans et courtois, jolis et plains dejoie,

a vous servir du tout mon temps emploie,

quar il n'est riens qui tant me soit playsant.

N'autre desir avoir je ne pourroie,

qu'a vous amer, honnourer et cherir,

cremir, dobter et loiaument servir

par fine amour,

quar en vous son mi penser, mi desir,

mi oeil, mes cuers, mi vouloir, mi plaisir

et mi retour.

Donc tant desir, flour trez souef fleirant,

belle et gente plus que dir' ne sauroye,

de revëoir vo façon simple et coye,

et l'esgart doulz de vo regart riant,

qui tant me plaist. Pour ce, ou que je soie:

Très gentil...

Si pri a Dieu qu'il me doint a venir

au doulz tresor qu'Amours suelt departir

per sa douçor,

Don't me povés noblement enrichir

fin cuer loial et sans rien amenrir

vostre valor.

Seugect cens fois mon cuer tres desirant

de vous vëoir se aler g'i osoie,

mais en la fin pour riens ne le layroie

que ne fuessë avec vous demourant

ou gay païs ou ester je voudroie.

Très gentil...

Or sçay je bien que le doulz souvenir

que j'ay de vous me fait au cuer venir

joye et baudour

Si que ne puis mal ne dolour sentir.

Ains tres joyeux me fayt Amours tenir

en gay sejour;

s'enloueray Amours com vray amant

quant elle m'a volu mettre en la voye

de vous amer, et, certes, se j'avoye

tout quant c'om puet en ce monde vivant,

nient me seroyt s'amés de vous n'estoye.

Très gentil cuer amoureux....