Le femmene so nfà!
T. Cottrau
Quanno l'ommo amisee baffe,
ncè bisogno da mogliera;
nun ncè modo nè manera,
ca la femmena ncè vò.
Si! Ma non tengo pilo a lengua,
io songh'omme e non chiachiello!
co lle femmene lo bello,
non me piace troppoa ffà.
Lo pecchè si me spiate,
ve lo ddico nietto e tunno
pe lle femmene a sto munno
maje cojeto se pò stà nò!
Si! Lle femmene so nfà songhe
tutte no colore e non nc'eda dubità.
È le femmene capace
Farte vennere, e mpignare;
Quanno staje pe ll'acchiappare
Vota faccia e se ne và.
E tu rieste stracque e strutto,
Senza sfizio nè denaro
Pierde Tolla e lo panaro,
E a cchi dirle non ce stà.
L'ommo è pazzo, pazzo, pazzo!!
Quanno ncapo isso nce tene
Ca na nenna lo vo bene
Pecchè vruoccole lle fa.
Co lli ciance e co li sqase,
Co na risa o no carizzo
L'arredduce affritto e nizzo,
Ch'a vederle fa pietà.
Tutto chello ch'aggio ditto
Songhe chiacchiare e parole,
Ca non vanno a sti figliole
Che me sentano cantà.
Io ve saccio dinto e fora,
Site bone veramente!...
A guardarve solamente
Chi chiammarve po nfà nfà!
Vuje non site, nò; nfà nfà
È tutt'autro lo colore,
E non nc'è da dubbità.