's Gebet

A gar kleans Dirndl mit der Muatta

hat in der Kirch' in Sunnta bet't,

und's Maderl war so voller Andacht,

als wenn se's halt recht nöti hätt';

Dees hat der Muatta gar gut g'fall'n,

und nach der Kircha sagt dazua:

„Du bist amal a recht Frummi,

du hast schon bet't in aller Fruh'!

Was hast jetzt bet't, dees muast ma sag'n,

du Schatzerl du, so brav und nett!“

Und's Maderl sagt auf ihra Frag'n:

„Dass d'Kirch bald aus werd', hab' i bet't!“