La chasse du bon buveur

Pour fuir à mes ennuys, sans partir d'une place,

Je prends le cor, la gaule, et m'exerce à la chasse:

Prens, prens,

Boy, boy,

Happe, happe

Prens, prens,

Garde bien

Qu'il n'eschappe!

Mon gibier, c'est la soif, qui chez moy fait son giste;

Non pour l'avoir, je chasse, ains veulx qu'elle me quitte.

Prens, prens,

Boy, boy,

Happe, happe

Prens, prens,

Garde bien

Qu'il n'eschappe!

Large verre est mon cor, que je fay par merveilles

Ronfler en l'embouschant; mes chiens sont les bouteilles

Prens, prens,

Boy, boy,

Happe, happe

Prens, prens,

Garde bien

Qu'il n'eschappe!

La table est ma forest et ma compagne verte,

Quand mes amis et moy nous la trouvons couverte

Prens, prens,

Boy, boy,

Happe, happe

Prens, prens,

Garde bien

Qu'il n'eschappe!

Que j'embousche le cor, quelque houvary qu'il fasse!

La soif mourra bientost, ou quittera la place.