O Mary, ye's be clad in silk

O Mary, ye's be clad in silk,

And diamonds in your hair,

Gin ye'll consent to be my bride

Nor think on Arthur mair.

Oh, wha wad wear a silken gown,

Wi' tears blinding their ee?

Before I'll break my true love's heart,

I'll lay me down and die.

For I have pledg'd my virgin troth,

Brave Arthur's fate to share,

And he has gi'en to me his heart

Wi' a' its virtues rare.

The mind whose every wish is pure,

Far dearer is to me,

And e'er I'm forced to break my faith,

I'll lay me down and die.

So trust me when I swear to thee,

By a' that is on high,

Thoug, ye had a'this warld's gear,

My heart ye couldna buy;

For langest life can ne'er repay,

The love he bears to me;

And e'er I'm forced to break my troth,

I'll lay me down and die.