Bonnie wee thing

Bonnie wee thing, cannie wee thing,

Lovely wee thing, was thou mine!

I wad wear thee in my bosom,

Least my jewel I should tine.

Wishfully I look and languish

In that bonnie face of thine;

And my heart it stounds wi' anguish

Lest my wee thing be na mine!

Wit and grace and love and beauty,

In ae constellation shine!

To adore thee is my duty,

Goddess o' this soul o' mine!

Bonnie wee thing,

etc.