Ca' the yowes

Ca' the yowes to the knowes,

Ca' them where the heather growes,

Ca' them where the burnie rowes,

My bonnie dearie.

Hark the mavis evening sang,

Sounden Clouden's woods amang;

Then a-folding let us gang,

My bonnie dearie.

We'll gang down by Clouden side,

Through the hazels spreading wide

O'er the waves that sweetly glide

To the moon sae clearly.

Fair and lovely as thou art,

Thou hast stol'n my very heart;

I can die but canna part,

My bonnie dearie.