O can ye sew cushions?

O can ye sew cushions? And can ye sew sheets?

And can ye sing ballooloo when the bairn greets?

And hee and haw birdie, and hee and haw lamb;

And hee and haw, birdie, my bonnie wee lamb!

Heeo, weeo, what wou'd I do wi' you?

Black's the life that I lead wi' you;

Mony o' ye, little for to gie you.

Heeo, weeo, what wou'd I do wi' you?

I biggit the cradle upon the treetop,

And aye as the wind blew, my cradle did rock.

O hush a baw baby, o ba lil li loo,

And hee and baw, birdie, my bonnie wee doo.

Heeo, weeo, what wou'd I do wi' you?

Black's the life that I lead wi' you;

Mony o' ye, little for to gie you.

Heeo, weeo, what wou'd I do wi' you?