The bonny Earl o' Moray

Ye Hielands and ye Lowlands,

O where hae ye been?

Thay hae slain the Earl o' Moray,

And laid him on the green.

He was a braw gallant

And he rade at the ring;

And the bonnie Earl o' Moray

He might have been a king.

O lang will his Lady

Look frae the Castle Doune,

Ere she see the Earl o' Moray

Come soundin' thru' the toon...

O wae tae ye, Huntley,

And wherefore did ye sae?

I bade ye bring him wi' you

And forbade ye him to slay.

He was a braw gallant

And he played at the glove;

And the bonnie Earl o' Moray

He was the Queen's love.