Le fer est chaud il le faut battre

Le fer est chault, il le fault batre,

Vostre fait que savez va bien;

Tout le saurez, sans celer rien,

Se venez vers moy vous esbatre.

Il a convenu fort combatre,

Mais, s'il vous plaist, parfait le tien

Le fer est chault, il le fault batre,

Vostre fait que savez va bien.

Convoitise vouloit rabatre

Escharsement et trop du sien;

Mais ung peu j'ay aidié du mien,

Qui l'a fait cesser de debatre.

Le fer est chault, il le fault batre.