Sonnet XXIV

Ne reprenez, Dames, si i'ay aymé:

Si i'ay senti mile torches ardantes,

Mile trauaus, mile douleurs mordantes:

Si en pleurant, i'ay mon tems consumé,

Las que mon nom n'en soit par vous blamé.

Si i'ay failli, les peines sont presentes,

N'aigrissez point leurs pointes violentes:

Mais estime qu'Amour, à point nommé,

Sans votre ardeur d'un Vulcan excuser,

Sans la beauté d'Adonis acuser.

Pourra, s'il veut, plus vous rendre amoureuses:

En ayant moins que moy d'ocasion,

Et plus d'estrange & forte passion.

Et gardez vous d'estre plus malheureuses.