Quant je me treuve

Quant je me treuve auprès de celle

Qui son amy de cueur m'appelle

Et j'ay un regard de ses yeulx

Je suis plus gay et plus joyeulx

Qu'ung poulain desbridé sans celle

Si je la voy ung peu rebelle

Tout doulcement je lui dis belle

Voustre courroux m'est ennuyeux

Quant je me treuve auprès de celle

Qui son amy de cueur m'appelle

Mais s'il avient qu'elle soit telle

Qui lui plaise que parle à elle

Je semble tant je suis glorieux

Proprement ung beau sire Dieulx

Qui soit assis sur une pelle

Quant je me treuve auprès de celle

Qui son ami de cueur m'appelle.