Mais de tel confort

Mais de tel confort

Com de plourer fort

Petit me confort,

Vierge, se ne me fais fort

Qu'apaiseras l'ire

De ton Fil, que au fort

Homs n'a si grant tort

Qui n'en soit ressort,

Quar à toy vie ne mort

Ne scet escondire.

Las! or sui au port

De tout desconfort,

Quant mes maus recort;

Et si fort me desconfort

Que ne le puis dire,

Car pechiés me mort;

Anemis ne dort,

Eins fait son effort

Qu'en livre de mort, moy mort,

Me puist faire escrire.