Le premier jour du mois de mai

Le premier jour du mois de may

De tanné et de vert perdu,

Las! j'ay trouvé mon cueur vestu

Dieu scet en quel piteux array!

Tantost demandé je lui ay

Dont estoit cest habit venu:

Le premier jour du mois de may

De tanné et de vert perdu.

Il m'a respondu: bien le sçay;

Mais, par ma foy sera congneu.

Desplaisance m'en a pourveu;

Sa livrée je porteray

Le premier jour du mois de may.