Laissez-moi penser à mon aise

Laissez-moy penser à mon ayse,

Hélas! donnez m'en le loysir.

Je devise avecques Plaisir,

Combien que ma bouche se taise.

Quand Merencolie mauvaise

Me vient maintes fois assaillir,

Laissez-moy penser à mon ayse,

Hélas! donnez m'en le loysir.

Car afin que mon cueur rapaise,

J'appelle Plaisant-Souvenir,

Qui tantost me vient resjoüir.

Pour ce, pour Dieu! ne vous desplaise,

Laissez-moy penser à mon ayse.