Qui la regarde de mes yeulx

Qui la regarde de mes yeulx

Ma Dame, ma seule maistresse,

En elle voit, à grant largesse,

Plaisirs croissans de bien en mieulx.

Son parler et maintien sont tieulx

Qu'ilz mettent un cueur en liesse,

Qui la regarde de mes yeulx

Ma Dame, ma seule maistresse.

Tous la suient, jeunes et vieulx,

Dieu scet qu'elle n'est pas sans presse;

Chascun dit: C'est une déesse

Qui est descendue des cieulx,

Qui la regarde de mes yeulx.