Aux damoyselles paresseuses d’escrire à leurs amys

Bon jour, et puis, quelles nouvelles?

N'en sçauroit-on de vous avoir?

S'en bref ne m'en faites sçavoir,

J'en ferai de toutes nouvelles.

Puis que vous estes si rebelles,

Bon vespre, bonn nuict, bon soir,

Bon jour.

Mais si vous cueillez des groyselles,

Envoyez m'en: car pour tout veoir,

Je suis gros: mais c'est de vous veoir

Quelque matin mes Damoiselles:

Bon jour.