Je ne prise point telz baisiers

Je ne prise point telz baisiers

Qui sont donnez par contenance,

Ou par maniere d'acointance;

Trop de gens en sont parçonniers.

On en peut avoir par milliers,

A bon marchié, grant habondance.

Je ne prise point telz baisiers

Qui sont donnez par contenance.

Mais savez vous lesquelz sont chiers

Les privez venans par plaisance;

Tous autres ne sont sans doubtance,

Que pour festier estrangiers.

Je ne prise point telz baisiers.