Quel monstre voy-ie là

Quel monstre voy-ie là, qui tant de testes porte,

Tant d'oreilles, tant d'yeux, de differente sorte:

Dont l'habit par devant est semé de verdure,

Et par derriere n'a qu'une noirceur obscure.

Dont les pieds vont glissant sur une boule ronde,

Roulant avec le temps, qui l'emporte en courant,

Et la mort court après, ses flesches luy tirant?

Ie le voy, ie l'ay veu. Qu'estoit donc? Le Monde.