Comment se peut-il faire ainsi

Comment se peut-il faire ainsi,

En une seule créature

Que tant ait de biens de nature,

Dont chascun en est esbahy?

Oncques tel chief-d'euvre ne vy

Mieulx acomply oultre mesure;

Comment se peut-il faire ainsi

En une seule créature?

Mes yeulx cuiday qu'eussent manty

Quant apportèrent sa figure

Devers mon cueur en pourtraiture:

Mais vray fut, et plus que ne dy;

Comment se peut-il faire ainsi?