Des Dichters Grabschrift
R. Schafer
Sach íeman die frouwen
díe man mac schoúwen
in dem venster stân?
diu víl wolgetâne
diu tuot mich âne
sorgen die ich hân.
si liuhtet sam der sunne tuot
gegen dem liehten morgen.
ê wás si verborgen,
dô múoten mich sorgen:
die wil ich nu lân.
Man sól schrîben kleine
réhte ûf dem steine
der mîn grap bevât,
wie liep si mer wêre
und ich ir unmêre:
swér dan über mich gât,
daz der lese dise nôt
und gewinne künde
der vil grôzen sünde
die si an ir fründe
her begangen hât.
... die seite ist enzwei!