Hallowe'en sang

Dinna gang out the nicht:

Laich was the müne as I cam owre the muir;

Laich was the lauchin though nane was there:

Somebody nippit me,

Somebody trippit me;

Somebody grippit me roun' and aroun':

I ken it was Bawsy Broon:

I'm shair it was Bawsy Broon.

Dinna win out the nicht:

A rottan reeshl'd as I ran be the sike,

And the dead-bell dunnl'd owre the auld kirk-dyke:

Somebody nippit me,

Somebody trippit me;

Somebody grippit me roun' and aroun':

I ken it was Bawsy Broon:

I'm shair it was Bawsy Broon.