Epitaphe et verset

Item, vueil qu'autour de ma fosse,

Ce que s'ensuyt, sans autre histoire,

Soit escript, en lettre assez grosse;

Et qui n'auroit point d'escriptoire,

De charbon soit, ou pierre noire,

Sans en rien entamer le plastre

(Au moins sera de moy memoire,

Telle qu'il est d'ung bon folastre):

CY GIST ET DORT, EN CE SOLLIER,

QU'AMOUR OCCIST DE SON RAILLON,

UNG POVRE PETIT ESCOLLIER,

QUI FUT NOMMÉ FRANÇOIS VILLON.

ONCQUES DE TERRE N'EUT SILLON.

IL DONNA TOUT CHASCUN LE SCET:

TABLE, TRETTEAUX ET CORBILLON.

POUR DIEU, DICTES-EN CE VERSET.