Mai
W. Hess
Es schneielet scho vom Chriesibaum.
Meiteli, gump i Maie!
's isch numen einischt gar so schön,
drum muesch di jetzig freue!
Tanz und wirble-n-eis zringesrum!
Loh dyni Füeß lo springe!
's chönnt eim jo schier der Ote näh,
alls wott blüeien und singe!
Lauf und lauf i der Matte noh!
Weisch schier nid, wo d'wottsch günne!
Tuusig Liechtli hets uf de Weid,
und alli di Liechtli brünne!