Highlander's Lament

My harry was a gallant gay,

Fu' stately strade he on the plain,

But now he's banish'd far away:

I'll never see him back again.

Refrain:

O for him back again!

I wad gie a Knockhaspie's land

For Higland Harry back again.

When a' the lave gae to their bed,

I wander dowie up the glen,

I set me down and greet my fill,

And ay I wish him back again.

O, were some villains hangit high,

And ilka body had their ain,

Then I might see the joyfu' sight,

My Higland Harry back again!