ipsa nymphas diva luco iussit ire myrteo

ipsa nymphas diva luco iussit ire myrteo.

it Puer comes puellis; nec tamen credi potest

esse Amorem feriatum, si sagittas vexerit:

"ite, nymphae, posuit arma, feriatus est Amor!

iussus est inermis ire, nudus ire iussus est,

neu quid arcu, neu sagitta, neu quid igne laederet.

sed tamen, nymphae, cavete, quod Cupido pulcher est:

totus est in armis idem, quando nudus est Amor."