Levez ces couvre-chefs

Levez ces cuevrechiefs plus hault,

Qui trop cuevrent ces beaulx visaiges;

De riens ne servent telz umbraiges,

Quant-il ne fait hale ne chault.

En fait a beaulté, que tant vault,

De la musser tort et oultraiges:

Levez ces cuevrechiefs plus hault,

Qui trop cueuvrent ces beaulx visaiges.

Je sçay bien qu'a Dangier n'en chault,

Et pense qu'il ait donné gaiges

Pour entretenir telz usages:

Mais l'ordonnance rompre fault,

Levez ces cuevrechiefs plus hault.