De Vivre gayement

Je suis né pour prendre fin,

Et pour faire le chemin

De ce trop soudain voyage:

Je cognois combien j'ay d'âge,

Mais, las! je ne dois sçavoir

Les ans que je puis avoir.

Loin de moy fuyez tristesse,

Fuyez ennuis & detresse,

Loin de moy fuyez vous tous,

Je n'ay que faire avec vous!

Pendant que vif je soupire,

Je veux dancer, je veux rire,

Ayant tousjours compagnon

Le bon Bacchus mon mignon.