Plasmatur hominis Deus

Plasmator hominis, Deus,

qui, cuncta solus ordinans,

humum iubes producere

reptantis et feræ genus;

Qui magna rerum corpora,

dictu iubentis vivida,

ut serviant per ordinem

subdens dedisti homini:

Repelle a servis tuis

quicquid per immunditiam

aut moribus se suggerit,

aut actibus se interserit.

Da gaudiorum præmia,

da gratiarum munera:

dissolve litis vincula,

astringe pacis fœdera.

Praesta, Pater piissime,

Patrique compar Unice,

cum Spiritu Paraclito

regnans per omne saeculum.