Ce Mai, qu'Amour pas ne sommeille

Ce May qu'Amours pas ne sommeille,

Mais fait amants esliessier;

De riens ne me dois soucier,

Car pas n'ay la puce à l'oreille.

Ce n'est mie donc que merveille,

Se je vueil joye demener:

Ce May qu'Amours pas ne sommeille,

Mais fait amants esliessier.

Quant je me dors point ne m'esveille

Pour ce que n'ay à quoy penser;

Cy ay vouloir de demourer

En ceste vie nompareille.

Ce May qu'Amours pas ne sommeille.