Ôtez-vous de devant moi

Ostez-vous de devant moy,

Beaulté, par vostre serement;

Car trop me temptez souvent,

Tort avez, tenez vous quoy.

Toutes les foiz que vous voy,

Je suis je ne sçay comment:

Ostez-vous de devant moy,

Beaulté, par vostre serement.

Tant de plaisirs j'appercoy

Vers vous, à mon jugement,

Qu'ilz troublent mon pensement:

Vous me grevez sur ma foy,

Ostez-vous de devant moy.