Lieber Dorn, als Horn

Mei Schatz hot Resede

Und -- vielerloi no'

Gibt gern eme Jede

A Schträußle devo'.

Mei Schatz der liebt 's Wandre,

Schpielt d'luschtig Theres',

Vom Oine zum Andre --

Was hilft mi denn des?

Drum fort mit dem Ringle,

Mit Namen und Gflecht!

Wen freut son a Dingle,

Ischt d'Liebe net ächt?

Jetzt such i mir a Plätzle,

Wie d'Lerchen am Roi',

Denn hot mer a Schätzle

So will mer's alloi.

A Braune mit Laune

Gibt's überall, schau,

Und find't sich koi' Braune,

A Schwarze thut's au'.