Sondagmôre
W. Wijdeveld
Sondagmôre
Dit is stil
In die voorhuis,
en stilte rus swaar op die bulte daar buite,
en stoffies hang blink in die lug,
waar die venster een gulden balk
van louter luister inlaat.
Daar word boeke gevat:
die psalm gaan statig opruis,
ruis weg oor die druipende wilgers
waar die tortels selfs luister
een himne aan God aan wie dit gerig is
een statige himne van rus en van vrede
wierook kolom dis weer stil,
luid kraai die haan in sy beurtsang
en nou word gepraat eers saggies, dan luider,
nou word selfs gelag...
die stemming verbroke die diens is verby.