Du passereau de Maupas

Las! il est mort; pleurez-le, damoyselles;

Le passereau de la jeune Maupas.

Un autre oyseau, qui n'a plumes qu'aux aisles,

L'a devoré: le cognoissez-vous pas?

C'est ce fascheux Amour qui sans compas,

Avecques luy se jettoit au giron

De la pucelle, et voloit environ,

Pour l'enflamber, et tenir en destresse;

Mais par despit tua le passeron,

Quand il ne sceut rien faire à la maistresse.