Rondel pour la Saint Valentin

Après une seule exceptée,

Je vous serviray ceste année,

Ma doulce Valentine gente;

Puisqu'Amours veult que m'i consente

Et que telle est ma destinée.

De moy, pour aultre abandonnée

Ne serez; mais si fort amée,

Qu'en devrez bien estre contente,

Après une seule exceptée.

Or me soit par vous ordonnée,

S'il vous plaist, à ceste journée,

Va (vôtre) voulenté doulce et plaisante;

Car à la faire me présente

Plus que pour dame qui soit née

Après une seule exceptée.