Elskhugssong

Å du, som bur meg i hjarta inne,

du makti fekk yver alt mitt minne;

kvar vesle hugsviv, som framom dreg,

det berre kviskrar um deg, um deg.

Um soli lyser på himlen blanke,

no ser ho deg, det er all min tanke;

um dagen dovnar og skoming fell:

Skal tru han tenkjer på meg i kveld?

Um vinden strid yver heii susar,

det gule håre ditt visst han krusar;

um regnet dryp med sin døyvde gråt,

so stakkars guten, no vert du våt,

no vert du våt.

Å berre timarne vilde skrida,

og berre dagarne vilde lida;

men eg vil kveda og vera glad;

for um sundag kjem han, tra-la, tra-la,

um sundag kjem han, tra-la, tra-la.