Robin shure in hairst

Robin shure in hairst,

I shure wi' him;

Fient a heuk had I,

Yet I stack by him.

I gaed up to Dunse,

To warp a wab o' plaiden;

At his daddie's yett,

Wha met me but Robin!

Robin shure in hairst...

Was na Robin bauld,

Tho' I was a cotter,

Play'd me sic a trick

An' me the Eller's dochter!

Robin shure in hairst...

Robin promis'd me

A' my winter vittle;

Fient haet he had but three

Goose feathers and a whittle!

Robin shure in hairst...